O grupo municipal do BNG conformou o goberno municipal dende as primeiras eleccións democráticas de 1979 até os comicios de 2007. O grupo municipal é a representación institucional da asemblea local do BNG de Fene e ten a responsabilidade de aplicar na administración municipal as directrices emanadas dos órganos de goberno e dirección do Bloque Nacionalista Galego.
Enderezos:
- Casa do Concello: De luns a venres de 9.30 a 13:30
- Na asemblea local do BNG de Fene: Avda. Naturais, 41-Baixo - 15500 Fene
Teléfonos: 981 342 984 / Fax: 981 492 788 / Caixa de correo: gmbngfene@gmail.com
Grupo municipal
No Nº 1 da candidatura, Juventino Trigo. Foi aprendiz de ASTANO e logo en 1987, como moitos máis, expulsado do sector naval. Con 25 anos montou a Asesoría Perlío, negocio que dirixe na actualidade, é Graduado Social e Licenciado en Ciencias do Traballo.
Alcalde de Fene e concelleiro de Facenda e Promoción económica na lexislatura do 2015 ata a Moción de censura do PP e Somos Fene
No nº2 da candidatura, Sandra Permuy, que formou parte do goberno desde 2015 ata a moción de censura do 2018. Foi concelleira de Seguridade, Formación e Emprego e Persoal, e desde que quedamos co goberno en minoría, tamén de Servizos. Sandra é Educadora infantil de profesión, é de San Valentín e foi directiva do CPS.
Nº3 da candidatura, Manuel Polo Gundin militante do BNG desde os 16 anos, e na actualidade membro do Consello Comarcal e Local. Foi concelleiro en Fene, no goberno e na oposición, durante 8 anos. É deportista, federado en atletismo veterán, e dedícase profesionalmente ao deporte, actualmente como técnico de deportes no Concello de Mugardos. É membro do colectivo dos 19 de Meirás, acusados pola familia Franco de varios supostos delictos por acudir ao Pazo de Meirás en día de visita. E ademais, é o presidente da Anpa O Pazo Ies de Fene. Vive en Perlío.
No posto nº 4 da candidatura tivemos a Cristina García, que leva con nós desde o 2015 traballando arreo neste proxecto desde o Consello Local do BNG. Unha muller loitadora e con grande experiencia en mirar polos demais, xa que é auxiliar de axuda a domicilio no Concello de Fene. Titulada en administración e vive en Fene.
No nº 5 da candidatura do BNG ás eleccións municipais do 2019 tivemos a Justo Martínez Ardá, concelleiro de Urbanismo na lexislatura do 2015. Tamén foi concelleiro de Cultura, Deportes e Obras desde o 2016 ata abril de 2018. É diplomado en Maxisterio na especialidade de Educación Física, Delineante e Arquitecto Técnico. Ademais, é fundador da Sociedade As Píntegas, con actividades como fútbol sala e chave, e xogador da S.D. Barallobre.
Ángeles Coira, coñecida como "Peque", é unha das independentes da candidatura do BNG e ocupou o posto nº 6.
Unha persoa comprometida e moi activa socialmente. Membro do grupo vocal Entrelas, colabora co coro infantil de Franza e é presidenta da ANPA do CEIP Centieiras.
É diplomada en Graduado SociaL e vive en Perlío.
Súmate a Nós
O BNG é unha organización ampla e aberta, na que ten cabida calquer nacionalista que comparta os seus principios programáticos e acepte os seus estatutos.
De estar interesado en formar parte do BNG o requisito é solicitar formalmente a afiliación. O órgao competente para dar altas no BNG é o Consello Comarcal, polo que tes que solicitala ao BNG na túa localidade ou comarca.
En función da túa idade tamén tes a posibilidade de afiliarte á nosa organización xuvenil Galiza Nova, cos mesmos dereitos no BNG.