Novas

10-10-2018 -
10-10-2018 -
Cultura

O Concello abre o prazo para que o tecido asociativo solicite as subvencións en réxime de concorrencia competitiva

Dende hoxe, as entidades e asociacións sen fins de lucro de Fene poden solicitar as subvencións, en réxime de concorrencia competitiva, que convoca o Concello para apoiar as actividades que desenvolveron no exercicio 2017. Nesta liña, a concelleira de Cultura e Facenda, Rocío Bértoa, explicou que o Concello destinará 75.500 euros do orzamento municipal a este capítulo. Engadiu que as axudas permitirán sufragar gastos de funcionamento das entidades ou ben actividades de carácter cultural, deportivo, educativo ou veciñal realizadas durante o pasado ano ou ben no curso 2016-2017.
Ver máis
08-10-2018 -
08-10-2018 -
Benestar e igualdade

Últimos días para apuntarse ó Curso de Mediadores Sociais

O Concello de Fene, xunto ós de Mugardos e Neda, promove un Curso de Mediadores/as sociais no marco do proxecto conxunto de prevención de condutas aditivas que subvenciona a Consellería de Sanidade. No caso de Fene, a acción formativa desenvolverase na Casa da Cultura os mércores 17, 24 e 31 de outubro así como os días 7, 14, 21 e 28 de novembro, de 18 a 20 horas.
Ver máis
08-10-2018 -
08-10-2018 -
Fene ao día

O Concello adxudica a segunda fase das obras de mellora do Camiño do Buio

O alcalde de Fene, Gumersindo Galego, informou esta mañá da sinatura do contrato da segunda fase das obras de acondicionamento do camiño do Buio. Unha intervención orzamentada en 37.995,89 euros que se financiará con cargo ó PEIM 2018 da Axencia Galega de Desenvolvemento Rural –Agader-, e que debe estar rematada antes do 15 de novembro.
Ver máis
08-10-2018 -
08-10-2018 -
Cultura

Francisco Oti Ríos presentará en Fene o seu libro O novo teatro galego en Perlío: Teatro Círculo e Tagallo

Organizada pola Concellería de Cultura de Fene, o local do CCRD de Perlío albergará a presentación do libro de Francisco Oti Ríos, O novo teatro galego en Perlío: Teatro Círculo e Tagallo, editado por Ediciones Invasoras. Será o xoves 25 de outubro ás 20 horas e no acto, presentado polo escritor e actor teatral Manuel Guede Oliva, intervirá o autor, Francisco Oti Ríos; o director da editorial, Julio Fernández Peláez, e o alcalde do municipio, Gumersindo Galego.
Ver máis
05-10-2018 -
05-10-2018 -
Fene ao día

Arrancan os cursos gratuítos de uso e manexo do móbil en Barallobre e Limodre organizados por INICE e Concello

I.N.I.C.E., Instituto de Investigacións Científicas e Ecolóxicas, con sede central en Salamanca, en colaboración co Concello de Fene puxo en marcha esta semana novos obradoiros de balde orientados ao uso e manexo do teléfono móbil e aplicacións básicas. Así, o pasado mércores, un total de 22 persoas iniciaban na Liga de Amigos de Barallobre o curso, namentras que onte, xoves, outras 20 persoas facían o propio na Asociación Veciñal de Limodre.
Ver máis
04-10-2018 -
04-10-2018 -
Fene ao día

Galicia rendirá homenaxe a Sito Sedes este domingo en Sillobre

Galicia rendirá homenaxe este domingo, 7 de outubro, ó gran Sito Sedes, mítico cantante da non menos mítica orquestra Los Satélites e figura de referencia na cultura popular galega durante anos. Esa homenaxe, máis que merecida, terá lugar en Sillobre, a parroquia da súa infancia e mocidade, organizada polo Concello de Fene coa colaboración coa AVV e compañeiros de profesión do músico. Comezará ás sete do serán no adro da igrexa de Sillobre e, esta mañá, o alcalde, Gumersindo Galego, xunto ó concelleiro de Promoción Turística fenés, Juan José Franco; o presidente da entidade veciñal, José Novo, e o propio Sito Sedes presentaban o programa do acto.
Ver máis
03-10-2018 -
03-10-2018 -
Fene ao día

Aberta a inscrición no curso As TIC aplicadas a Empresas e Entidades

Baixo o título As TIC aplicadas a Empresas e Entidades, o Concello de Fene impartirá unha nova acción formativa no marco do proxecto Fene Mar Vivo. Terá lugar o vindeiro mércores, 10 de outubro, na Aula da Cultura do Concello, en horario de 19 a 22 horas. O prazo de inscrición está aberto e pode formalizarse no propio Concello ou no correo rede@fenevivo.gal. É gratuíto e no mesmo realizarase unha análise individualizada da presenza na rede de cada negocio ou entidade presente, dando pautas para actuar en función dos intereses e as necesidades de cada un.
Ver máis
02-10-2018 -
02-10-2018 -
Fene ao día

Arranca en Fene o obradoiro de emprego INICIA III coa participación de 16 mozos e mozas

 Un total de 16 homes e mulleres de entre 18 e 30 anos dos que 11 son veciños de Fene, buscarán a súa entrada no mercado de traballo a través da formación que lles ofrece o obradoiro de emprego INICIA III, que impulsan os concellos de Fene, Ares, Mugardos, Neda e Cabanas. Un programa que arrancaba a pasada semana e que se desenvolverá na nave municipal sita en San Marcos, parroquia de Sillobre, ata o vindeiro 27 de marzo.
Ver máis
01-10-2018 -
01-10-2018 -
Museo do Humor Xaquín Marín

O Concello inaugura este martes a exposición dos Premios Curuxa 2018

O Concello de Fene, a través da Concellería de Cultura, inaugura este martes, 2 de outubro, nova exposición na Casa da Cultura. Nesta ocasión, a mostra dos Premios Curuxa 2018. Poderá visitarse ata o 2 de novembro de luns a venres de 10 a 13 horas e de 16 a 21 horas, e os sábados de 10 a 13 horas. Así mesmo, tamén a partir de mañá, o público poderá visitar unha exposición virtual con todos os traballos presentados ó certame na páxina web do museo
Ver máis
01-10-2018 -
01-10-2018 -
Benestar e igualdade

O Concello retoma esta semana os Obradoiros Recordando o Noso

O Concello de Fene, a través da Concellería de Benestar Social e Igualdade que dirixe Juana Barro, retoma esta semana os Obradoiros Recordando o Noso. Están dirixidos a persoas maiores de 55 anos, son completamente gratuítos, e inclúense no programa Tardes Activas. As persoas que desexen sumarse ó proxecto poden inscribirse no Centro Municipal de Servizos Sociais.
Ver máis
1 2 ...151 152 153154 155 ...303 304 >>