Fene ao día

Novas

  • A Asociación O Cruceiro fai entrega dos vales por valor de 900 euros aos agraciados no sorteo do Concurso de Tapas

    O alcalde, Gumersindo Galego; o concelleiro de Promoción Económica, Juan José Franco, e o presidente da Asociación de Comercio, Hostalería e Servizos “O Cruceiro” de Fene, Juan Ramos Reigosa, fixeron entrega esta mañá dos vales de compra que se sortearon no marco do XII Concurso de Tapas aos afortunados. Un acto que se celebraba no salón de plenos da casa consistorial e uns vales que cedía a entidade “O Cruceiro” por valor conxunto de 900 euros. Sen dúbida, un gran reclamo para participar no certame. Así, Sunny Caldevila, veciña de Fene, recibía vales para mercar no comercio local por valor de 100 euros; Elisa Miraz Loureiro, de Ferrol, resultaba agraciada con vales por valor de 200 euros e, José Cernerero, tamén de Fene, facíase cos vales por valor de 600 euros.

  • Fene convida á veciñanza a conmemorar o aniversario da Constitución española

    O alcalde de Fene, Gumersindo Galego, presidirá este venres, 6 de decembro, o acto institucional de conmemoración do aniversario da Constitución española no municipio. Un acto que terá lugar a partires das 12 horas no salón de plenos da casa consistorial. Nesta liña, o Concello quere convidar a veciños e veciñas a sumarse á celebración do aniversario da Carta Magna acompañando á corporación no acto.

  • Fene activa este xoves a iluminación de Nadal

    O Concello de Fene activará, a partir de mañá xoves, a iluminación de Nadal. Alumeado co que se quere contribuír a xerar ese ambiente de luz e cor que acompañan nestas datas, impulsando o seu disfrute a pé de rúa e colaborando coas campañas de comercio e hostalería locais propias nesta época. O alumeado concrétase en 72 arcadas repartidas por todo o termo municipal. A elas se suma a iluminación en árbores emprazados no barrio de San Valentín e máis na praza Verde e, como é tradición, a fachada da casa consistorial. Todo isto, con tecnoloxía LED.

Ver máis

Axenda