Novas

29-08-2025 -
29-08-2025 -
Fene ao día

O Concello de Fene foi beneficiario en 2025 de varias axudas da Deputación da Coruña

Ver máis
27-08-2025 -
27-08-2025 -
Deporte

O luns 1 de setembro a piscina municipal e o Pavillón Municipal A Xunqueira abren as súas portas

Nesta liña, durante o mes de setembro, os horarios de apertura ao público nas instalacións deportivas serán:
PISCINA MUNICIPAL DE CENTEIRAS
De luns a venres horario de apertura de 17:00 a 22:00 h.
Sábados de 17:00 a 20:00 h.
Domingos instalación pechada.
Durante este mes no horario de apertura estarán dispoñibles as seis rúas e o ximnasio de musculación para uso libre.
PAVILLÓN MUNICIPAL A XUNQUEIRA
De luns a venres, para os adestramentos de pretempada, de 18:00 a 22:00 h.
Ver máis
27-08-2025 -
27-08-2025 -
Cultura

Teatro ao cubo na Romaría do Pote de Maniños

A tradicional Romaría do Pote que organiza a ACRD O Pote de Maniños, celébrase este domingo, 31 de agosto. Como complemento aos actos programados pola sociedade fenesa, a Concellería de Cultura (en colaboración co programa Rede Cultural da Deputación) anuncia para ese día o espectáculo Ghop!, de Teatro ao cubo. A función, dirixida a todos os públicos, comezará na asociación ás 12.30 horas, con entrada libre e de balde.
Ver máis
25-08-2025 -
25-08-2025 -
Deporte

As citas para apuntarse nas escolas deportivas e culturais municipais comezarán a darse o 9 de setembro

A Concellaría de Deportes e Cultura informan dos prazos de inscricións nas escolas municipais de Fene. Isto é, o prazo de matrícula presencial estará aberto do 12 ao 18 de setembro e será obrigatorio pedir cita previa para facer o trámite, que se centralizará no pavillón da Xunqueira. As citas poderán solicitarse a partir do 9 de setembro, chamando ao 981 492 804 ou ao 607 626 812.

Para solicitar CITA PREVIA para realizar a inscrición temos que ter en conta os seguintes prazos:

Residentes e escolarizados/as en Fene: Días 9 e 10 de de setembro de 9:00 a 14:00 horas
Poboación en xeral: Do 11 de setembro. De 9:00 a 14:00 horas
A cita solicitarase nos teléfonos: 981 492 804 / 607 626 812

O calendario de inscricións nas distintas disciplinas será do 12 ao 18 de setembro. A inscrición realizarase o día e á hora asignado con anterioridade.
Ver máis
25-08-2025 -
25-08-2025 -
Cultura

As citas para apuntarse nas escolas deportivas e culturais municipais comezarán a darse o 9 de setembro

A Concellaría de Deportes e Cultura informan dos prazos de inscricións nas escolas municipais de Fene. Isto é, o prazo de matrícula presencial estará aberto do 12 ao 18 de setembro e será obrigatorio pedir cita previa para facer o trámite, que se centralizará no pavillón da Xunqueira. As citas poderán solicitarse a partir do 9 de setembro, chamando ao 981 492 804 ou ao 607 626 812.
Para solicitar CITA PREVIA para realizar a inscrición temos que ter en conta os seguintes prazos:
Residentes e escolarizados/as en Fene: Días 9 e 10 de de setembro de 9:00 a 14:00 horas
Poboación en xeral: Do 11 de setembro. De 9:00 a 14:00 horas

A cita solicitarase nos teléfonos: 981 492 804 / 607 626 812

O calendario de inscricións nas distintas disciplinas será do 12 ao 18 de setembro. A inscrición realizarase o día e á hora asignado con anterioridade.
 
 
Ver máis
14-08-2025 -
14-08-2025 -
Fene ao día

Homenaxe a Ramón José Souto González, último alcalde fenés da República

O Concello de Fene celebrará este luns  18 de agosto, a partir das 12.30 horas, o acto de homenaxe e lembranza a Ramón José Souto González, o último alcalde da República en Fene, fusilado xunto a outros membros da corporación en 1936. A homenaxe terá lugar no salón de plenos do Concello, e contará coa paricipación da escritora Anxos García Fonte e o deseñador Carlos Sardiña para falarnos da súa obra A morte nas fragas.

No decurso do acto, procederase ao visionado da curtametraxe Os fíos da memoria, elaborado por Xarda e haberá unha ofrenda floral na praza da casa consistorial, hoxe bautizada co nome do ex alcalde en recoñecemento e memoria da súa figura
Ver máis
11-08-2025 -
11-08-2025 -
Fene ao día

O Concello de Fene avanza na recollida da memoria oral e documental para o proxecto “Fene 1941”

Nas últimas semanas, o Concello de Fene está a desenvolver unha das fases centrais do proxecto “Fene 1941”, coa recollida de documentación e memoria oral vinculada á historia do estaleiro ASTANO e da ría. O proceso inclúe entrevistas e gravacións en vídeo á veciñanza, traballadores e extraballadores, así como a persoas vencelladas ao sector mariñeiro, co obxectivo de preservar e divulgar un patrimonio inmaterial único.
Estas gravacións darán lugar a un conxunto de pezas documentais en formato audiovisual, que se presentarán ao público nos meses de setembro e outubro, xunto co resto de actividades previstas: conferencias, accións nas tabernas, encontros interxeracionais e charlas nos centros educativos.
Ver máis
04-08-2025 -
04-08-2025 -
Deporte

Presentando o II Trofeo de Fútbol Concello de Fene, que se disputará este sábado no campo da SD Barallobre

O campo da SD Barallobre acollerá este sábado 9 de agosto a segunda edición do Trofeo de Fútbol Concello de Fene, un triangular amigable no que participarán os tres equipos de referencia do concello: Cultural Maniños SD, CCRD Perlío e SD Barallobre. O evento comezará ás 18.30 horas e contará con entrada libre para todas as persoas asistentes.
Na presentación oficial, que tivo lugar no Salón de Plenos municipal, participaron os representantes dos tres clubs: Alfredo Fernández (Maniños), José Augusto Borreiros (Perlío) e Víctor Domínguez (Barallobre), acompañados pola alcaldesa de Fene, Sandra Permuy, e a concelleira de Deportes, Alba García.
O formato do trofeo será en tres encontros curtos, que se disputarán ás 18.30, 19.30 e 20.30 horas. Os premios consisten en vales para material deportivo: 700 euros para o primeiro clasificado, 500 euros para o segundo e 300 euros para o terceiro.
Ver máis
01-08-2025 -
01-08-2025 -
Fene ao día

Todo listo en Limodre para o arranque do Felicia Pop, co apoio do Concello de Fene

A alcaldesa de Fene, Sandra Permuy; e os concelleiros de cultura, Justo Ardá; e de servizos, Adán Chao; visitaron onte á tardiña o recinto do Parque da Hortiña, en Limodre, para supervisar os últimos preparativos da nova edición do Felicia Pop, que arranca hoxe e que converterá Limodre durante dúas xornadas nun referente da música alternativa.
Ver máis
31-07-2025 -
31-07-2025 -
Fene ao día

Arrinca a 3ª edición do Perla Mural Fest, que transforma Fene en capital da arte urbana

Fene énchese de cor esta fin de semana coa chegada da terceira edición do Perla Mural Fest, un dos eventos máis singulares do panorama galego, que combina arte urbana, música e participación veciñal. Esta mañá, a alcaldesa Sandra Permuy; a concelleira de promoción económica e turismo, Ángeles Coira; e o concelleiro de servizos, Adán Chao; mantiveron un encontro cos organizadores do festival, Fran Lage e Ramón Pereira, no que pecharon os detalles finais desta nova edición, que comeza oficialmente esta fin de semana.
Estes días Fene será o lenzo de para tres muralistas de proxección internacional: Diego As intervén na Avenida Naturais 25, en Fene; Wedo Goás na Rúa Río Cádavo 9, en Perlío; e David Barrera na Rúa Paralela a San Estevo 11, tamén en Perlío. O traballo destes artistas, amplamente recoñecidos no muralismo contemporáneo, converterá espazos urbanos comúns en auténticas obras de arte a ceo aberto.
Ademais dos murais, o festival inclúe concertos e sesións vermú, estas últimas con entrada libre, que converterán Fene nun punto de encontro cultural e lúdico de referencia. 
Ver máis
1 2 ...16 17 1819 20 ...133 134 >>