Novas

08-07-2021
08-07-2021

O xoves 15 de xullo abre o prazo de solicitude de horas de adestramento de pretempada e tempada nas instalacións deportivas municipais

A Concellería de Deportes de Fene informa de que o xoves día 15 de xullo abre o prazo de solicitude de horas de adestramento para a PRETEMPADA no Campo de Fútbol de "Os Pinares" e no Pavillón Polideportivo Municipal de "A Xunqueira"; e para a TEMPADA 2021/2022 no Campo de Fútbol "Os Pinares" e nos pavillóns municipais de "A Xunqueira" (San Valentín) e "O Ramo" (Barallobre). Aqueles clubs interesados en solicitar horas de adestramento deberán remitir nas datas que se indican a continuación a relación de horas que solicitan de cada instalación para a pretempada e para a tempada 2021 -2022.
Ver máis
25-06-2021
25-06-2021

Horario verán nas instalacións deportivas municipais

A partir do día 1 de xullo e ate o 30 de setembro as instalacións deportivas municipais terán o seguinte horario de apertura.

PISCINA MUNICIPAL DE CENTIEIRAS
Do 1 ó 16 de xullo
* De luns a sábado de 09:00 a 13:30 h.
* Domingos pechada
Do 17 de xullo ó 31 de agosto esta instalación estará pechada ao público.
Do 1 ó 30 de setembro
* De luns a venres.- 17:15 a 21:45 h.
* Sábados.-  17:15 a 20:15 h.
* Domingos.- Pechado
PAVILLÓN A XUNQUEIRA
Do 1 ó 7 de xullo,  instalación aberta polas mañás para a reserva de prazas curso 21/22.
Do 8 de xullo ao 31 de agosto instalacíon pechada, só se abrirá para actividades puntuais que poida organizar o concello.
Do 1 ó 30 de setembro.
De luns a venres
Mañás.- de 08:30 a 13:30
Tardes.- de 18:00 a 22:00 (adestramentos de pretempada)
PAVILLÓN O RAMO
Permanecerá pechado ao público dende o 1 de xullo ate o 30 de setembro.
Ver máis
11-06-2021
11-06-2021

IX Trofeo de Baile Deportivo Concello de Fene este domingo no pavillón de A Xunqueira

O pavillón de A Xunqueira, en San Valentín, acollerá este domingo 13 de xuño a IX edición do Trofeo de Baile Deportivo Concello de Fene. Puntuable para o ránking nacional, celebrarase en horario de 11.30 a 19.30 horas coa participación de bailaríns e bailarinas de todas as idades.
Ver máis
08-06-2021
08-06-2021

Caiac, Paddle-Surf, ximnasia de mantemento e un campamento no CMI Unidade de Fene engádense á oferta lúdica municipal para o verán

O Concello de Fene desenvolverá ao longo dos meses de xullo e agosto o programa de conciliación "Un verán diferente II", que tivo aberto o prazo de preinscricións até o 4 de xuño. Porén, a maiores destas actividades para rapazada de 3 a 12 anos, o consistorio tamén ten preparadas outras propostas dirixidas tanto a nenas e nenos como a mocidade e persoas adultas. Así, en colaboración co Mesón O Emigrante, desde principios de xullo e ata mediados de agosto poderemos gozar das augas de Almieiras navegando en caiac ou practicando paddle surf e durante os dous meses centrais do verán tamén teremos ximnasia de mantemento ao aire libre no paseo marítimo de San Valentín. Ademais, o Concello e o CMI Unidade de Fene tamén colaboran na organización do campamento lúdico e deportivo "Dálle ao play", que terá lugar nas instalacións da entidade na primeira quincena de agosto. Para anotarse nestas actividades -agás para a ximnasia, que non o require e será de balde- hai que solicitar cita previa desde este mércores 9 de xuño contactando co Departamento de Cultura e Deportes nos teléfonos  607 615 962 / 981 340 366.
Ver máis
31-05-2021
31-05-2021

Reserva de prazas para as escolas deportivas de piscina e pavillón da Xunqueira

A partir deste martes, 1 de xuño, o alumnado matriculado no mes de maio de 2021 (que non teña cotas pendentes de pagamento) poderá solicitar cita previa para a reserva de prazas para o vindeiro curso nas escolas deportivas municipais de piscina e pavillón da Xunqueira. Para solicitar cita previa cómpre chamar por teléfono (981 492 804 / 607 626 812 / 981 340 936) de luns a venres, de 9.00 a 14.00 ou de 16.00 a 21.00 horas. A reserva de prazas (sempre baixo o sistema de cita previa) realizarase do 7 de xuño ao 6 de xullo, presentando o carné de usuario/a e, para quen desexe domiciliar o pagamento trimestral, achegando un recibo do banco co IBAN e os 20 díxitos da conta.
Ver máis
25-02-2021
25-02-2021

As instalacións deportivas municipais abren ao público

O Departamento de Deportes do Concello de Fene informa de que á vista da flexibiliación das restriccións decretadas pola Xunta o pasado día 26 de xaneiro,  e á espera da publicación da correspondente Orde no DOG,  as instalacións deportivas municipais voltarán a abrir ao público e  reanudaran a súa actividade gradualmente deste modo:
PISCINA MUNICIPAL DE CENTIEIRAS
  • Apertura ao público,  sábado día 27 de febreiro no horario de apertura establecido antes das últimas restriccións do 26 de xaneiro
  • Reinicio de escolas deportivas que se desenvolven na instalación o sábado 27 de febreirio. Poderán asistir   os usuarios inscritos nos cursillos en semanas alterna que lles corresponda a partir dese día.
PAIVLLÓN MUNICPAL A XUNQUEIRA E PAVILLÓN MUNIPAL O RAMO
  • Apertura ao públco, luns día 1 de marzo no horario de apertura establecido antes das últimas restriccións do 26 de xaneiro
  • Reinicio das escolas deportivas que se desenvolven na instalación o luns 1 de marzo. Poderán asistir os usuarios nos días e horas que tiñan as súas actividades programadas.
  • Alugueiros de pistas e espazos para clubes e particulares, o luns 1 de marzo segundo estableza a nova Orde que publique a Xunta de Galicia.
ACTIVIDADES DEPORTIVAS QUE SE DESENVOLVEN FÓRA DO PAVILLÓN E PISCINA (Kárate e Judo), Ximnasio da casa da Cultura
  • Reinicio das actividades o luns 1 de marzo.
O concello de Fene que recórdalles:
- Que é obrigatorio o uso de máscara durante o acceso, estancia e o desenvolvemento da actividade deportiva dentro das instalacións, agas no transcurso das escolas de natación.
- A ratio de alumnos nas actividades serán os autorizados pola normativa sanitaria  que se publique na nova Orde da Xunta.
Ver máis
07-12-2020
07-12-2020

O Memorial Adolfo Ros posponse a 2021

O Concello de Neda ven de anunciar que tras manter diversas xuntanzas de traballo, os Concellos organizadores; Neda, Fene, Ferrol e Narón; acordaron unanimemente aprazar ata decembro de 2021 a celebración do Memorial Adolfo Ros “Volta á Ría” que, inicialmente, estaba previsto realizar o domingo 13 de decembro. A situación motivada pola covid-19 está loxicamente na raíz da decisión.

Organizada de forma conxunta polos catro concellos polos que discorre, este ano a dirección recaía en Neda. A Adolfo Ros cumpriría a súa XXXV edición, unha carreira en memoria do deportista que lle dá nome, falecido o 18 de agosto de 1985 nun acto de heroicismo ao tentar rescatar por segunda vez a varios bañistas na praia de Doniños.

Trátase cada ano dunha carreira secundada por centos de deportistas (federados e non federados) e, en 2019, alcanzaba os 700 participantes de todas as idades. Unha carreira con categoría adaptada e incluída no calendario da Federación Galega de Atletismo que é, na actualidade, un referente non só na comarca senón en Galicia.
Ver máis
02-10-2020
02-10-2020

Horarios tempada 2020-2021

A Concellería de Deportes publica os horarios de adestramento do pavillón polideportivo da Xunqueira en San Valentín e do Ramo durante toda a tempada 2020/2021.

Unha vez rematado o prazo de solicitudes de adestramento nos pavillóns polideportivos de O Ramo (Barallobre) e A Xunqueira (San Valentín) para equipos de fóra do Concello de Fene, asociacións e particulares; achégase o horario de adestramento, confeccionado segundo as solicitudes recibidas e o Regulamento de Réxime Interior de Instalacións Deportivas do Concello de Fene.
Ver máis
22-09-2020
22-09-2020

Deportes asigna as quendas de adestramento nos pavillóns municipais para equipos e sociedades do rexistro de entidades

O Concello de Fene acaba de publicar o cadrante de reservas nos pavillóns polideportivos da Xunqueira e do Ramo. Trátase da primeira asignación de quendas, que se efectúa habitualmente no mes de setembro co obxectivo de darlle prioridade no uso das instalacións aos equipos federados pertencentes a sociedades, clubes e entidades que figuran no rexistro municipal de asociacións. A distribución horaria estará en vigor desde o 1 de outubro até o 30 de xuño de 2021. Agora abre un novo prazo entre o 23 e o 30 de setembro para que poidan solicitar tempos de adestramento equipos non federados e particulares. Nese caso deberán achegar a solicitude correspondente -descargable ao pé desta nota-, ben por vía telemática ou de maneira presencial no Concello (pedindo cita previa no 981 061 034).
Ver máis
02-09-2020
02-09-2020

O Concello de Fene reabre as instalacións da piscina municipal de Centieiras con aforo limitado e estritas medidas preventivas

A piscina de Centieiras está aberta de novo ao público desde este martes 1 de setembro e adaptada ás medidas de prevención da COVID-19. Esa adaptación tradúcese en que se deberá seguir o protocolo de seguridade definido polo Concello para acceder e usar o equipamento, que reduciu o seu aforo ao 50%.  Durante este de setembro o horario de apertura das instalacións será de luns a sábado 17 a 22.00h. e tanto o nado libre como o uso do ximnasio deberán cinguirse a sesións de 45 minutos de duración, con posibilidade de combinar ambas opcións no mesmo día sempre que sexan consecutivas e haxa oco dispoñible. 
Ver máis
1 2 ...8 9 1011 12 ...24 25 >>