Con motivo do Día de Todos os Santos e o Día de Defuntos, o Concello de Fene informa da ampliación de horarios do cemiterio municipal, así como da posta en marcha dun servizo de transporte especial. En primeiro lugar, o camposanto permanecerá aberto dende o 24 ao 30 de outubro en horario de 10.00 a 19.00 h ininterrompido. O mércores 1 de novembro o horario será de 8 a 22 horas e o xoves 2 de novembro de 10 a 20 horas, de forma ininterrompida.
Así mesmo, o venres día 1, infórmase que se oficiará unha misa ás 17 horas na capela sita no interior do recinto.
Na mesma liña, o servizo de transporte especial realizarase conforme ás seguintes datas e horarios: o 31 de outubro, en horario de tarde, e o 1 e 2 de novembro, de mañá e de tarde. No horario de mañá, a saída está prevista do cuartel da Garda Civil ás 10 horas e o regreso estímase ás 12 horas. No horario de tarde, a saída, do mesmo punto, será ás 16 horas e o regreso ás 18 horas.
