Arrancan os obradoiros sobre o manexo do computador e móbil en Fene
25-11-2019
Un total de 12 veciñas e veciños participan na iniciativa
Un total de 12 veciñas e veciños iniciaban a semana pasada na aula de informática municipal os obradoiros sobre o manexo do computador e sobre o uso do teléfono móbil. Gratuítos, prolongaranse ata o vindeiro mércores 27 de novembro.
As accións formativas están organizadas polo Instituto de Investigacións Científicas e Ecolóxicas (INICE), en colaboración co Concello de Fene, e teñen unha duración de 12 horas. Este programa está subvencionado polo Ministerio de Sanidade, Consumo e Benestar Social.