Este venres cambia o horario da Biblioteca, Museo do Humor Xaquín Marín e Casa da Cultura de Fene
21-03-2024
Coa chegada Semana Santa, a Concellería de Cultura informa do cambio de horario da Casa da Cultura de Fene (Biblioteca Municipal, aula de estudo, Museo do Humor Xaquín Marín e sala de exposicións temporais) que coincidirá, como é habitual, co comezo das vacacións escolares. Así, dende o venres 22 de marzo e até o vindeiro 1 de abril, o horario da instalación será de luns a venres, de 10.00 a 14.15 horas. Os sábados, domingos e festivos, a Casa da Cultura de Fene permanecerá pechada.
Sabado 23 e domingo 24 de marzo: pechada
Do luns 25 ao mércores 27 de marzo: de 10.00 a 14.15 horas
Do xoves 28 ao domingo 31 de marzo: pechada
Luns 1 de abril: de 10.00 a 14.15 horas
A partir do martes 2 de abril: de luns a venres, de 10.00 a 13.00 e de 16.00 a 21.00 horas