Novas
-
Cultura avanza a súa actividade dos vindeiros meses no marco dos programas da Rede Cultural da Deputación e Cultura no Camiño da Agadic
O Concello de Fene vén de acollerse un ano máis á convocatoria da Rede Cultural da Deputación, solicitando dezaseis espectáculos que, xunto ás actividades contratadas con fondos propios e o programa Cultura no Camiño, conformarán boa parte da programación cultural prevista para este 2024. Trátase dun amplo abano de propostas dirixidas a todos os públicos.
-
Nova xuntanza do Club de Lectura da biblioteca de Fene con presenza do escritor mugardés Pablo J. Rañales
Sobre o libro Os afogados (Premio Illa Nova de Narrativa 2023), de Pablo J. Rañales, xirará este mércores unha nova sesión do Club de Lectura da Biblioteca Municipal de Fene. A xuntanza desenvolverase no salón de actos da Casa da Cultura, de 18.00 a 19.30 horas. As catorce persoas que participan na actividade (e que previamente recibiron cadanseu exemplar do volume) terán oportunidade de conversar co autor neste novo encontro.
-
O informático e autor de Microsiervos, Javier Pedreira “Wicho”, pecha este xoves o ciclo Contando Ciencia
Os valores de casa para andar pola rede é o tema da derradeira charla de Contando Ciencia. O ciclo que organiza a Biblioteca O Segrel do Penedo do IES de Fene coa colaboración da Concellería de Ensino trae esta semana a Fene ao informático e autor de Microsiervos, Javier Pedreira, máis coñecido coma Wicho. A conferencia terá lugar este xoves, 25 de abril, ás 19.30 horas, no salón de actos da Casa da Cultura (Avda. de Conces, 20-22, Fene), con entrada libre e de balde até completar o aforo.