A Casa da Cultura de Fene modifica os seus horarios durante o Nadal
18-12-2018
Estarán vixentes do 22 de decembro ó 7 de xaneiro, incluídos
Co gallo das festas de Nadal, a Casa da Cultura variará os seus horarios. Cambios que serán efectivos a partir deste sábado, 22 de decembro, e ata o 7 de xaneiro, incluído. Así, os horarios de todas as instalacións da Casa da Cultura –Biblioteca, Museo do Humor, Aula de Estudo e Sala de Exposicións Temporais- pasará a ser de luns a venres de 10 a 14,15 horas. Así mesmo, os días 24 e 31 de decembro, sábados, domingos e festivos permanecerá pechada.
A partir do 8 de xaneiro retomarase o horario habitual de inverno: Museo do Humor, Aula de Estudo e Sala de Exposicións Temporais, de luns a venres, de 10 a 13 e de 16 a 21 horas, e sábados, de 10 a 13 h, e a Biblioteca, de luns a venres, de 16 a 21 h, e sábados, de 10 a 13 h.