Ampliación de horarios e servizo especial de transporte ao cemiterio municipal no Día de Todos os Santos e Día de Defuntos
28-10-2019
O Concello de Fene informa de que o camposanto permanecerá aberto de 8 a 22 horas o venres e de 9 a 20 h o sábado en horario ininterrompido
O transporte especial realizarase o 31 de outubro e 1 e 2 de novembro
Con motivo do Día de Todos os Santos e o Día de Defuntos, o Concello de Fene informa da ampliación de horarios do cemiterio municipal, así como da posta en marcha dun servizo de transporte especial. En primeiro lugar, o camposanto permanecerá aberto o venres 1 de novembro de 8 a 22 horas e o sábado 2 de novembro de 9 a 20 horas, de forma ininterrompida. Así mesmo, o venres día 1, infórmase que se oficiará unha misa ás 17 horas na capela sita no interior do recinto.
Na mesma liña, o servizo de transporte especial realizarase conforme ás seguintes datas e horarios: o xoves, 31 de outubro, en horario de tarde, e o o venres 1 de novembro, e sábado día 2, de mañá e de tarde. No horario de mañá, a saída está prevista do cuartel da Garda Civil ás 10 horas e o regreso estímase ás 12 horas. No horario de tarde, a saída, do mesmo punto, será ás 16 horas e o regreso ás 18 horas.