Xornada formativa este xoves sobre a sede electrónica do Concello de Fene
15-10-2019
Dirixida á poboación en xeral, terá lugar na aula de formación con entrada libre
O Concello de Fene organiza unha charla informativa aberta dirixida á cidadanía co obxectivo de dar a coñercer a sede electrónica municipal. A formación, impartida pola axente do programa PEL-Concello Dixital da Deputación da Coruña, terá lugar na aula de formación, situada no departamento de Cultura e Deportes, este xoves 17 de outubro ás 11,00 horas.
Nesta charla a veciñanza coñecerá como empregar a oficina dixital do seu concello e os métodos de identificación que lles permiten autenticarse de maneira segura ante as administracións públicas. A participación será aberta e sen incrición previa.
O curso está organizado pola Deputación provincial e o Concello de Fene.