Fene, xunto a Ares, Mugardos, Neda e Cabanas impartirá dúas especialidades do obradoiro de emprego Reinicia V
27-09-2018
Ofértanse 20 prazas e as persoas interesadas en tomar parte poden anotarse na Área de Formación e Emprego do Concello fenés
O Concello de Fene, xunto cos de Ares, Mugardos, Neda e Cabanas impartirá, entre os meses de setembro e xuño dúas especialidades do obradoiro de emprego subvencionado pola Consellería de Economía, Emprego e Industria Proxecto Reinicia V. Consta de 20 prazas e trátase dun programa mixto de emprego e formación dirixido a persoas desempregadas maiores de 18 anos.
Segundo explicou o edil de área, Juan José Franco, as especialidades formativo-ocupacionais a impartir son as seguintes: Atención Sociosanitaria no Domicilio, curso de nivel 2 que require estudos de ESO ou equivalente, e Traballos de Carpintería e Moble, curso de nivel 1 que require de estudos primarios.
As persoas interesadas en tomar parte poden dirixirse á Area de Formación e Emprego Pancho Allegue –na praza do Alcalde Ramón Souto González-, no teléfono 981 49 27 67