Data 10-09-2021
Xela Arias. Poeta nas marxes" é un documental dirixido por Beatriz Pereira arredor da figura de Xela Arias, poeta e tradutora galega. A partir dos testemuños de Marga do Val, Xosé María Álvarez Cáccamo, María Xesús Nogueira, Manuel Bragado, Susana Trigo e Humberto Heredia, a peza percorre a vida e obra dunha francotiradora das letras. As persoas que queiran asistir á proxección, prevista para este venres ás 20 horas na Casa da Cultura de Fene, deben reservar praza no correo electrónico cultura.deportes@fene.gal até o mesmo día da actividade. Aforo limitado (50 persoas).